DIFERENSE
Ciàcole 1993/2008- Jornal O Serafinense
Quala la diferensa tra el parlamento inglese e quel brasilian?
el parlamento inglese el ze parlamentare
el parlamento brasiliano eç ze per lamentare.

STÓRICA
Ciàcole 1993/2008- Jornal O Serafinense-2002
Zela nata prima la masturbassion feminilna o masculina?
Prima la masculina che la  ze manual, dopo la feminina , che la ze digital.

LA CARIOLA
Ciàcole 1993/2008- Jornal O Serafinense
Marin e Martin i stea darente. I volea anca morosar la stessa tosata che la gavea nome Angelina.Martin che zera el pì furbo el se gà marida e el ga invità Marin de compare de casamento.
Passa un certo tempo, Martin el zera in colonia drio arar e el ga visto la comare Angelina a casa ela sola.
-Bom dì, comare. Te diventi ogni giorno pò bela...
-Grassie, compare. Bontà sua...
-Scolta comare, mi son scàpolo, te vui bem e noantri podarissimo far l’ amor...
-Sito mato? Mi e el me Martin gavemo girà fedeltà davanti al altar, par tuta vita. No vui mia ndar al inferno...
-Eh...ma no ze pecà tanto grando cossita. E dopo se confessemo...
-No sta gnanca parlarme de sto tanto...
-Ma comare, se mi vao su dal compare, ghe dimando e lu aceta, me la detu?
-Va la su che el te spaca i corni...
-Marin el va in colonia e ghe dise a sto Martin:
-Compare, me imprestìo la cariola? Ghe la go domandà a la comare e no la ga volesto mia darmela.
-Ah...va la....te sè come ze le done. Digheghe che te ghe` parlà con mi e che la pol dartela.
El riva a casa de la comare sfregandosse le man:
-comare, el compare ga dito de darmela.
-Ah no credo mia...
La va fora e scomissia a osar:- Martin , posso darghela?
-Si, si, daghela...
De note Martin el va in tola par sentarse e el vede che so Angelina lo varda de maniera strana.
El ghe domanda:
-Quando zelo che el compare Marin porta indrio la cariola?
Alora ela la se ga nicorto, e la se ga quasi sofegà con un osso de galina e sto Martin no ze mia bona capirla fin el giorno de ancoi.

 BARSELETA
Ciàcole 1993/2008- Jornal O Serafinense-2001
Bepin el sofria de leemorroide e 'l va dal dotor.
-Me toca farte un paro de massagi.
El ciapa la pomada, e 'l primo dì 'l ghe ga fato due massagi. El secondo un, e de là trè dì, nantro.
-Ben, adesso te stè meietin. Ciapa la pomada e contìnua a far massagi a casa. Se no te guarissi mia, torna indrio.
Bepin el riva a casa e el ghe dise a la dona:
4-Bisogna che te me fè massagi in quel posto là...
5- Ben, se ocorre, lo fao. E come farlo?
6-Ndemo tel leto che te spiego.
El va in leto e se cava zo tuta la roba, dopo 'l ghe dise a la so dona:
-Cavete zo la roba anca ti.
-Oh, ma parché...- ghe domanda la parona.
-Parché 'l dotor 'l fea cossita.
El se buta de pansa in zo e 'l ghe dise:
-Adesso butete insima de mi, pansa in zo anca ti.
-Ma parché?
-Parché 'l dotor 'l fea cossita.
-Adesso meteme la man drita tel peto.....Adesso la man sanca....
La dona la ga odebio.
-Adesso fame massagi.
-Ma come?...- ghe domanda la dona.
El pensa e pensa, dopo 'l dise:
-Cramenta, go la bruta idea de che quel maledeto dotor el zera drio pinciarme.