CASAGA- (Linea de onibus de S.Corrêa)
Ciàcole 1993/2008- Jornal O Serafinense
Tel onibus de Cazaga, (Cattaneo, Zanini e Garcia) pien e incalcà de
gente in un serto momento un se cava 'locio de viero e  lo buta par ària.
Dopo un poco, el lo ciapa naltra volta e  lo buta par ària  ancora.
'Na signora, tacà de lu, sensa romperse le bale cho no le gà e la ghe dise:
-Scusa, el ga da piantarla de far sta roba. El pol impressionar i putei
che i ze drio vardar sta roba de mato.
-Signora, scusa, ma  mi volea veder se pì davanti ghe zera posto


EL CAN
Ciàcole 1993/2008- Jornal O Serafinense
Un toseto col can el domanda carona a un che passa te la strada dove
el va par rivar in sità.
-Serto – ghedise el motorista - mi te porto ma no vui mia el can rento
 tel me auto,me dispiase.
-No importa, quel lì el ze un can velossissimo, el podarà vegner drio,
 parché quel can lì el core come ganca un altro, e vu vedarì che no
son busiaro.
I parte e 'l motorista   fa i 50 a 'l ora. El can drio. El auto fa i 70 e
 el can sempre drio.
'L motorista el va ai i 100  e spacando le ganasse de rider el dise:
 -E desso, dove zelo el to can? - E 'l frena bruscamente par vardar.
-El ze qua – dise el tosatel. -El ze qua su 'l assento dadrìo.
-Ostrega porca, dial can! Ma ze vero!! E cossa zelo quel segno tondo
 e nero che 'l ga su la fronte?
-El ze 'l buso del dadrìo: no’l ze abituà a ste  frenade brusche.

EL CIUCO
Ciàcole 1993/2008- Jornal O Serafinense
Un imbriagà el ze postà in meso a la strada coi brassi verti.
Passa un co so auto e se ferma:
-Cossa vuto? – domanda 'l motorista.
-Mi volaria che vu me contasse quante pache go te la testa.
-E te me fermi par sta roba, rompebale?
-Scuseme se insisto, segnor. Par mi ze importante che vu me
 contè quante pache go.
Ben, lora 'l motorista el conta e dopo el dise: -Sete.
-Ben, - sgorla le spale e dise 'l ciuco - ancora tre piante e son rivà  casa.