EL POMO DE ADAMO.

Quando Dio ga ciamà Adamo e Eva par render conto de la so colpa, Adamo 'l gavea
ancora in boca un toco de mela, e no zera mia bon de pararla zo. Ga proà
ma gnente del toco de mela 'ndar zo.
E passea i giorni e gnente de quel bocon de mela 'ndar gnanca su gnanca zo,
lora ze 'ndá lamentarse col Segnor che ghe ga dito:
Te libero del incomodo, ma te dasso el segno, parchè devi sempre
ricordarte de quel che te ghè fato.
Così i omini i ga el ' pomo de Adamo' nel col, e la dona che gavea magnà tuto,
no porta gnanca un segno del pecà.(chi ga racontà questa ze un 'machista')

LE ONGIE CHE SE GA
Un leon e un asino i fea la stessa strada quando in serto punto
che zera na riva da far. Lora i se ga messo de acordo, che ogni
toco che i fea de strada, un portea l'altro.
Prima el asino porta el leon in te la schena, e questo
de la paura de cascar zo, el mete le ongie tel col del asino
che protestea del mal che ghe fea.
-Passiensa, dise el leon. Ogni un se aiuta con le ongie che el ga.
Mi go queste e altre no ghinò.
Finalmente toca al leon de portar el asino nela schena, e riva in su
ghe fea paura de cascar anca a lu. El ga proà sento maniere de non cascar.
A un certo punto el leon sente dadrio qualcosa che no ga mai volesto
aver sentio tela so vita e el osa al asino.
-Ciò, amico, ma che giugo sito drio giugar?
-Si si caro mio...ogni un se aiuta con le ongie che el ga.