EL CIUCO 2
Ciàcole 1993/2008- Jornal O Serafinense
Un ciucheton riva a casa de improviso a la note. El fa par 'ndar rento
 te la so camera e el ga le gambe che va e no va, e lora el casca tel soàio
. (la tombola la ze stà la fortuna de la so dona che la zera tel leto con altro
 che no zera, de sicuro, lu.
Sto altro el se mete rento al armario ma resta fora da la porta , mese
mal ciapae, le bale.
Riva el mario, vede quel sensa darse conto, e domanda:
-Cossa zelo?
-Ze un campaneleto.
-E sonelo?
-Sì caro, el ga sonà tuto el dì.
-Ben, desso lo fao sonar mi.
E 'l ciapa 'na scarpa e ghe buta con tuta forsa, in sentro.
-Vara ti, el sona gnanca.
El ciapa la altra scarpa e la giuga ancora, pien forsa, e sicuro, no sente
 gnente de soni.
-Ma va la, dassa sto campanel sensa importansa e vien dormir.
-Eh,..no.... Mi vui proar n'altra volta. El alsa la gamba drita e co la
 granda savata 42 lo cuca in sentro.Gnente.
Lora el  leva su  la altra savata (sanca) va ben de rente a sto campanelo
e ghe mola 'na tremenda savatada a velossità 100 per ora.
De rento el armário, se sente 'na ose che urla:
-Drin,drin,drin, porca putana!

EL GATO
Ciàcole 1993/2008- Jornal O Serafinense-
Dise un omo a un so amico:
-No ghin posso pì col me gato. El roba de tuto, el pissa par tuti i cantoni, i sorzi no i li varda gnanca. Cossa go da far par liberarme?
-Portelo in colonia e mòlelo là. Te vedaré ch’el se rangiarà in qualche modo. I gati  i ze furbi.
Dopo  de 'na setimana, i due amissi i se cataancora:
-E 'l gato? – domanda quel che ga dato el consilio.
-El ze tornà a casa, sto schifoso. E la prima roba ch’el ga fato ze sta pissar su par me leto.
-E ti portelo al de là del Carreiro, banda de Gica, via par de la 'ndove no ghe ze ponte. Te vedaré che la cossita gavarà de funsionar.
Dopo de un' altra stimana i due  i se incontra ancora.
-El gato?
-El gato? Sto porco!! Quando son tornà, dopo verlo molà, lo go catà a casa, su telme leto.
-Scusa, no te ghe da 'ndar in Amazonia? Portelo tela foresta, penso che no ghe sia altro da far.
Dopo un mese i se incontra.
-Ciò, e el gato?
-Te dirò, lo go portà in Amazonia. In meso al a foresta a lo go molà. E...
-E cossa?
-Eco, se no ghe zera lu che me compagnava a casa, fin ancoi saria ancora là.