11.jpg12.jpg13.jpg14.jpg15.jpg16.jpg17.jpg18.jpg19.jpg20.jpg21.jpg22.jpg23.jpg24.jpg25.jpg26.jpg

Amissi d'Italia

 

Data : 1996

Milosc Voutcinitch- Padova- PD

LEGENDA DEL FORMENTON

 

A setembre romai la panocie e quase pronte par torle sù e tuti in campagna i ga prèssia par proar la

polenta nova. Le due panòcie pì  grosse se le tien rancurade e dopo i le mete in cosina par portar fortuna.

Na volta paraltro el formenton no ghe zera e sta qua zera na disgrassia che la gavea de bon che sol i  teroni no podea ciamar de ‘ polentoni’ ai Veneti( ma quando i vien qua i taca a magnar la polenta com osel e no i vol pì ndar via)

I dise i veci che ze rivà da noantri el formenton ala època dei Cavalieri, quei che ndea far i peregrinagi sul Santo Sepolcro dek Nostro Signor de la Terra Santa de la Turchia. Um de sti cavalieri na volta el gavaria portà casa um sacheto de sti bèi grani giali e i gavaria daí a um dei nobili Dondi Del Relojo. Questo el gavea tanta terra e tanti contadini morti de fame, e el ga capìo subito che se podaria doparar sto gran anca quà.

Lora, na domenega matina el ze ndà ne la so terra e ala messa granda el gha fato benedir dal prete su l’ altar sti grani, dopo el ghe ga dà um poco a ogni fameia com ordine de semenar sti grani che vegnea daí Turchi e guaia se i ghin perdesse um sol grano.

Sti contadini no i zera boni de capir cossa che fosse sta pianta che vegnea granda, che ga messo ste foie, sti fiori, e dopo le panòcie incartossae e parfin i cavei. I vèci sgorlava la testa vanti ste novità e i putèi giugava com sti cavei  che i ghe ciamea barba dei turchi.

Intanto Dondi del Relojo stava zito, e el ga fato rancurar le semense par l’ ano dopo e anca l’ ano drio el ga fato lo stesso.

Co el ga visto che de romai de ste piante ghe zera abastansa, lora  el ga insegná a magnar i grani, dopo verli masenai come se i fusse formento. Cussì, qua ne le nostre campagne ze nata la prima polenta e da quele che i putèi ciamea de barba dei turchi  ze vegnesto fora el nome : grano turco, che i ghe ga dato par distinguerlo del formento.

Ne le altre parte, invernse, el formenton saria cognossesto sol dopo la scoperta de la Mèrica. Prima i ga coltivà nei giardini par belessa e dopo i ga tacà a magnar le panòcie brustolae sul fogo, e i ga piasesto tanto, lora i ga scomissià a semenar par i campi.

 

POLENTA DE NOVEMBRE

Ano 2003- Jornal O Serafinense- Ciàcole

Milosc Voutcinitch- Padova

 

Zera costume, cento ani fa, ne lê campagne, prima Che i fesse i funerali coi autmobili, de dopo de sepolir el morti, ndar a casa de la fameia de sto morto parlar su le virtù. E tute le fameia le ofriva qualcosa a quei che zera lì.

Un sutdioso el conta che nel otossento i servia le minestre de bigoli, carne de galina, salame e quel che de meio i gavea a casa e i podea dar. Par che i parea zo il gropo che i gavea, col magnar.

Ancoi i ga cambia sto costume par le pilole tranquilisanti, a casa e da soli.

I fea, lora, n questi ani, una comparassio de la morte a la semensa, che deve morir parchè divente ancora panòcia, e anca el solco del miglio, zera comparà a la tomba e a la cassa de morto.

Ah...la polenta fata anca ne la lontana Amèrica e cantà dai poeti....

LA ME PIASE DUR E TENERA

IN FERSORA O SU LA GRELA

IN PASTISSIO , NELA PALETA,

COI FUNGHI, COL PORSEL,

COI OSÈI, CO LE BISATE,

CON LE ANGUELE PAR I GATI.

E PO, IN TUTI MODI

LA POLENTA ZE EL ME GODER.

 

Ancora nel sinquessento (1.500) i disea:’ polenta e pori ze el nostro passimento, d’àio e scarlogne corpo se nobrega. Tra la gente andon spussando a vento.’  Volea dir che zera un magnar de vilani, che el magnar  el tegnea sù, ma gavea poco fià.

- altra, un vendedor ambulante, che passea fora nela strada e disea: quanto la staion fresca ze vissina, ben calda, col botiro e col formàio, mi vendo in sto cain la polentina.

POLENTA DE MATINA, MESOGIORNO E SERA E NO SEMPRE PIEN CALIERA. SE EL ANO EL ZE MAGRO.

Questo magnar monotono el ga fato vegner la pelagra, una malatia odiosa che prima la se vede su la pele, su le man, con màce, e dopo vien la malinconia e un stado de demensa che se conclude fin al suissidio, pì de tuto, i se neghea.

I studiosi su questo mal contadin del Veneto e Lombardia i contea 31 pelagrosi fra 1.000 abitanti de la campagna.I

 A PADOVA 57-

 A ROVIGO 37-

A VENEZIA 35-

A TREVISO 32-

E NEI ALTRI POSTO, INTORNO 20.

A Padova i contea, cento ani fa, tra 8.200 e 18.500 pelagrosi su 340.000 abitanti.I

I disea_: DIME COSE TE MAGNI E TE DIRÒ CHI CHE TE SI.  Lora i rispondea:: TI TE SI UN PELAGROSO.

 

 

 

 

 
Copyright © 2009 Solange Maria Soccol. Todos os direitos reservados.
Proibido copiar ou reproduzir este material sem autorização.
Criação: Uniserra.Com