DANTE E EL CONTADIN
Ciàcole 1993/2008- Jornal O Serafinense
Dante passeaun giorno per la campagna quando un contadin che lo cognossea per so sapiensa, ga volesto meterlo a prova e ghe dise:
-Quall zelo el meio magnar?
-El ovo- ghe risponde Dante.
El contadin ga capio ben la inteligensa de Dante. E passà tanto tempo, Dante ritorna ancora su ste tere, e el contadin lo vede ancora e vol provar la so memoria. El va vissin e ghe dise:
-Con che?
-Con sal.- risponde Dante.


NOÈ E EL ARCOBALENO
Ciàcole 1993/2008- Jornal O Serafinense
Quando Noè ze 'nda zo te la barca salvo, con tuti animai, el ga fato suito un sacrifissio al Signor e ghe ga domandà de mai pì inondar la terra.
Dio lo ga sentio e prometesto de mai pì mandar castighi come questo.
-Lora, dame un segno, Signor- ga dito Noè.
El Signor ga girà un brasso , de orisonte a orisonte e 'l ga fato  un arco tra ciel e terra e ga dito:
-Questo ze me segno.  El arcobaleno vegnarà fora dopo la tempesta par direi che son mia cativo. Fin che lo vedarè, stè sicuri. Ma quando par quaranta ani no lo veddarè pì, gavi de saver che sarà la fin del mondo.

LA ESIBISSION DE LE PROVE
Ciàcole 1993/2008- Jornal O Serafinense
I zera in gran discussion un cristian e un ebreo su cosa saria el Giudissio Universal, e ogni un volea far valer la so religion. Disea el cristian:
-Tuti de la nostra fede i passarà davanti el Signor e vedendo el segno del batesimo, i sarà messi subito a la drita del Signor.
-E come el ve ricognossarà?
-El segno del batesimo ze impresso te le nostre anime.
-Ma se sarà la ressurression de la carne, come sarà visibile el segno del batesimo tel anima? Noantri, invense, gavemo la circunsision, saremo ricognossesti subito e a la drita del Signor.
-Ah...ah...e chi ve darà el coràio de sbassar zo le braghe e mostrar le vostre vergogne davanti el Signor e tuta umanità che ve starà vardando?

ABITUARSE A LA ETERNITÀ
Ciàcole 1993/2008- Jornal O Serafinense
Un poro mendigo 'l se lamentea te la so grota e parlea con Dio.
-Vivemo infelissi, 'na vita breve e tribulata, ma par ti, Signor, cosa zelo mila ani?
-Un momento. Sol un momento.-ghe risponde 'na ose dal alto.
Visto che un rispondea, el mendigo continua:
-E mila monete de oro, cossa zele par ti, Signor?
-Gnente. Assolutamente gnente.
-Lora, Signor, se par ti ze gnente, parchè no te  me mandi mila monete de oro?
-Cerco te la borsa. Speta un momento.