FEMENE
Marilda de Mardo e Solange Maria Soccol
Serafina Corrêa- RS

Che bele storie si sente contare
Se no ze i giovani ze so pare.
Ma l’amore ze ancora quel
Cambiò el drio la taipa per un motel.

Nele mede del fien zera sempre pien
I motèi no ghe zera ancora
Adesso ste vie fa fin mal ai òci
I ze rento sconti, refati pedòci.
Le cotole longhe passea dei zenoci
Tocar con le man dove no riva i òci
Mirar sol el viso, nei giorni de ancoi
Ze sol par bauchi che bagna i nissioi.

Se qualche ventin smorsea el ferral
Quel che se fea no zera del mal
Un bacin de amor, un spissigoneto
E se el ciaro tardiva, qualche struconeto.
Ancoi ghe ze furbi che fa sentinela
E i te para intorno intanto te dormi
I traditori se fa de santi
Ma a tuti quanti i ghe mete i corni.

Che bele storie si sente contare
Se no ze i giovani ze so pare
Mondo storto mai pì no se indrissa
No ghe ze pache, no ghe ze pache
Che cave la spissa.

ME MAMA
Geraldo Peccin e Solange Maria Soccol
Serafina Corrêa- RS

El sole ‘l more a lontan
Un corpo che casca no ga doman
Finita l’ acoa, muta fontana
Una bela femena, me mama.
La note ze rivà nel me paeselo
E un’ altra  stela relus nel ciel
No ghè pì parole, la man in testa
Finita la vita, no tanto me resta.

Alcove dorate, terra dei campi
Caressa de fiori, acalanto de tanti
Tuo ventre sagrato mi bacerò.
Calore de fiama, un vale dei alpi
sorriso de vita, canto dei canti
sangue del mio cuor che verterò.
Ma varda ghè un fior che brota in la cova.
Con tanti colori, ‘na petala nova
Ti vedo pi bela, aroma dei campi
Polsar de me mama.

Sole e Méia com GianLuigi Secco e Giorgio Fornasier, os Belumat, quando da gravaçao das musicas em 1998.

GIUSEPE E MARIA-
Versao de canção portuguesa, Solange Maria Soccol, para Cançoes de Natal em Talian- Sole e Meia 98.
Serafina Corrêa- RS

Par i campi i camina, Giusepe e Maria
I gavea sconto un Dio e nessun savea
Par i campi i si perde a sognar, fa caldo
Parchè adesso ze tardi e el sol sensa color.

I varda i fiori del campo, i osèi a cantar
Parchè i speta l’incanto che rivarà
De matina i fiori i vien su al sol
E la luna ze amor nel mar del Signor.

Par i campi i camina, Giusepe e Maria
I cerchea un posto, la note vegnea
Par i camina Giusepe e Maria
I gavea sconto un Dio e nessun savea.

Una stela la brila nel ciel de alegria
Ne la lusse camina Giusepe e Maria
Par i camini i ‘ndea la grota a cercar
Come due morosi che i ga de rivar.

Una colomba bianca la zola e va in su
Taia la note e va avanti, che riva Gesù
Dentro a la grota se prega’ ze rivà el Rè
Benvenuto el Bambino, Maria e Giusepe.

Par i campi i camina, Giusepe e Maria
I gavea sconto un Dio e nessun savea
Par i campi i si perde a sognar, fa caldo
Parchè adesso ze tardi e el sol sensa color.