SAGESSA DE 'NA VÉCIA CANTILENA
Ciàcole 1993/2008-Jornal 'O Serafinense'.-13/12/1996
De domenega me compro na femena,
de luni ghe dao due pugni,
de marti ghe dao altri,
de mercol la fao far la fadiga de Ércole,
de zoba ghe dao parché la se goda,
de vendre ghe rameno el dadrio su bronse e sendre
de sabo ghe spuncio el cul col ago.
Cossì domenega, no go pì femena.

NINE NANE
Angelina Casagrande-Ciàcole 21/02/1997
Toco, toco biso
la mama la va a Treviso
co le tetine piene
par darghe a le putine.
Le putine ne ghen vol
la mama la ghe tol
el papà le sculàssa
in meso a una piassa
mostarda, mostardon,
butelo zo par un balcon.

AUGURI
Cansion dei putèi al primo de 'l ano.
Ciàcole 1993/2008-Jornal 'O Serafinense'.21/02/1997
Papà, ve auguro un felississimo ano
par i tèsseri, 'na pessa de pano,
pai becari un agneleto e un toro
a la vostra sioria due bele sità
una par 'l inverno e l' altra par l' istà,
con due bèi mulini
un che masena scudi e l' altro zechini
dopo, in tola un fiasco de vin moscato
‘na strica de mandolato
‘na stela de marsapan.
Vostra sioria me daga na bona man
no meta la man te la borsa dei soldi
gnanca in quela dei quatrini:
meta la man te la borsa dei zechini.

FILASTROCA
Grassie Viviana Rossato
Ciàcole 1993/2008-Jornal 'O Serafinense'.20/03/1997
Din don doman ze festa
se magna la minestra,
la minestra no me piase,
se magna pan e brase,
se magna pan e pere.
La pera ze massa bianca
se magna pan e banca,
la banca la ze massa dura,
magna un poco de verdura.
Mesogiorno
la polenta va torno,
i òmeni la magna
e le femene la sparagna.

FILASTROCA
Ciàcole 1993/2008-Jornal 'O Serafinense'.25/04/1997
Grassie Iria!
Ancoi ze luni
e te dao due pugni,
marti ze doman
e te ciapo per man.
Mercol, se me va
te portosul prà
a trovar i fioreti
rossi, celesti e gialeti.
Zoba, po, ghe ze el mercà
e me compro el bacalà
perché vendre ghe vol passiensa
e farò la penitensa.
Sabo me lavo, me preparo,
vao via col me caro.
Col me caro e 'l me caval
dopo me lustro 'l stival.
Domenega, po, dormo, balo e me diverto
e no penso de laorar, de serto.