Data- maio 1999

Filastroche

Localidade- Associação Veneta de Cerquilho, Tiete e Região-  Cerquilho- SP-

 

Quando zera picinina

me tegnevo tanto in bon

e magnava la polentina

co la ponta del piron.

Vien moretina, vien

che la mama te vol ben.

 

Via, via carnaval

calnaval ze già passà

e tute le vece le ga balà

le gà balà su ‘l seciàro

e i òmeni ga fato ciàro.

 

Ovo de un’  ora

pan de un dì

vin de un ano

pesse de diese

done de quìndese

e amico de quaranta.

 

 

Data- janeiro 1998

Din Don campanon

Localidade- Serafina Corrêa-RS

 

Din don, din don

Le campane de Longaron

quatro tose sul balcon

una che taia

una che fila

una che fa capèi de paia.

Una che prega a Dio

che ghe mande un bon mario

bianco, rosso e colorio

come un persego fiorio.

Salta fora infante

co le cavale bianche

el monta su la sela

adio morosa bela.

 

 

Data- janeiro 1998

Filastroca

Amélia Maria Marca Soccol

Localidade- Serafina Corrêa- RS

 

Ti Gaetan va tor el pan

Ti Gioachin va tor el vin

Ti Arnesta porta la minestra

Ti Fabiola parecia la tola

E ti, poltron, marcia in preson.

 

Data Junho 1996

Preghiera de un embriagà a Baco

Serafina Corrêa- RS

 

Baco nostro, che te vivi in caneva

vegna sempre ricordà el to nome

basta che ‘l sia genuin

tanto quel bianco come quel nero.

Dàme anca ancoi la bala cotidiana

impienisseme el me goto

come quei dei me amissi..

No fa meter àcoa sul vin

no metarme su le condission de laorar

ma càveme la sé

anca quando che son pien.

Fàme rivar in ostaria

ze questo me desiderio

e così sia.

 

COME SE COGNOSSE UN PAR EL VIN

Ano 2002- Serafina Corrêa-RS

Jornal O Serafinense- ‘Ciàcole’

 

El maestro beve aqua

El monarca aqua e vin

La zitela(solteirona) vino e aqua

La massaia un bicier de vin

El dotor due bicier de quel bon

El contadin trè bicier de quel genuin

El fator quatro de quel rubà

El prete cinque del mèio

 El frate sèi, come lo trova

El fachino sete de quel batesà

El sacristan oto de quel vècio

E el bechin nove de quel vansà.