Data- maio 1999

Se dise Del beco

Famílias Dorighello, Pagotto

Localidade- Associação Veneta de Cerquilho, Tiete e Região-  Cerquilho- SP-

Beco, becheto, bechin

beco da grando, beco da picinin.
beco che sa, beco che non sa.
beco de campagna, beco de cità.

Beco che becola, beco che no becola.

El beco, prima de ‘ndar in leto

el se segna disendo:

pedòoci e pulsi, dasseme star

che sto poro beco ga de riposar.

Piova, vento, tempesta

la vaca va, ma ‘l beco resta.

Data- maio 1999

Din Don Campanon

Famílias Dorighello, Pagotto

Localidade- Associação Veneta de Cerquilho, Tiete e Região-  Cerquilho- SP-

Din don campanon

quatro pute su un balcon

una che fila, una che raspa,

una che fa capeli de pasta.

Una che prega a Dio

che ghe mande un bon mario,

bianco, rosso e incolorio

come un bocolo spanio;

che el possa andar in Francia

e ciapar quel oseleto

che tuta la note el canta

canta el galo

risponde el capon

salta fora la vecia de San Simon:

-Dove ze sta vecia?

- El fogo la ga brusada;

- Dove ze el fogo?

- In piassa de Dolo.

che ghe taia la testa al toro

col cortelin dei òmeni.

I òmeni senava

i magnava pan e fava

la fava la zera cota

butela drio la porta.
La porta zera rota

butela drio ala bota;

la bota zera in fasso

butela drio al tinasso;

el tinasso zera roto

butela drio dal posso;

el posso ze pien de aqua

‘ndè ciamar dona Cornacia.

Dona Cornacia ze su nele montagne

che la pesta le castagne;

piu che la pestara

piu farina la farà.