GAL DE SEMENSA
Paulo Soccol- S.Corrêa- RS-

El vècio Guido, dopo vècio e vedovo, el disea aver un gal de semensa. El gavea fato setanta ani ma
ndea drio a le done come el gal a le galine(ben, mi go sentìo parlar ma no so se ze vero).
A lu, bastea star insieme ai amissi par tirarla longa, che el zera pì in gamba da quando giovane,
che adesso sì che 'l zera bon, mèio che ai desdoto. E lu el contea quela de so ultimo viàio in Italia:
che un giorno sul bastimento el ga trovà su la testa del osel, un gropo che vegnea fora. Come se dise ancoi,
 un bruto gnoco. E ghe gà tocar 'ndar dal dotor rento la barca par veder e saver cossa zera sto gnoco.
Lora, el dotor esamina el osel, ga fato domande che lu el rispondea: de romai 'no' fa due giorni, no fa mal,
el ze anca simpàtico parché combina co la vena grossa che go come la cana de 'na dodese, el ze bon de mira
come un s-ciòpo e così via el gà seguità par trè ore fi che el dotor ghe gá domandà:
- Quante volte al mese lo dopera???
- Al mese? Sàpia caro dotore che mi frego tuti giorni, da luni a domenega e nel mese de febraro me vien
 ràbia parché el no ga mia trenta giorni.
El dotor el torna: -Sucon, ma mi go i me dùbi.
- De che frego tuti i giorni? -Risponde Guido rosso come un pevaron de cativo.
E un altro esame: gira 'l osel de qua, gira 'l osel de là, varda sto gnoco e al fin, el dotor conclude:
- No ze mia 'na malatia. El ze un calo... De tanto fregar...

SPOSETA
Paulo Soccol- S.Corrêa- RS

'Na sposeta la ghe dise al marì: no, veramente no te si mia el primo. Ma se pol consolarte, pensa che
 gnanca a quaranta sinque altri no i ze mia stà.

CONSIGLIO
Ciàcole 1993/2008-Jornal 'O Serafinense'.-01/11/1996

'Na volta, un formigon el zera drio passar in un valo 'ndove passea le carrete.
In quela, passa una disparata e tàieghe via el cul.
El formigon disperà el ga scampà desvalio, ma dopo el ga pensa: cossa fao mi, sensa cul?
E torna indrio par torse el so cul.
E in questa passa nantra carreta e strucheghe la testa.
Moral de la stòria: No sta mai perder la testa par colpa del cul.

CAPIRSE
Ciàcole 1993/2008-Jornal 'O Serafinense'.-08/11/1996

- Nani, corri fin botega, dighe al compare Bepi che el me mande l'òio de mandorla
par onder la pansa de to sorela.
E quando Nani romai el zera che 'ndea, el osea- E se te vol frìtole, porteme anca el fermento.
Nani ga capìo.
La botega la zera sento e sinquanta metri avanti lu che 'ndea de corsa e rivea con un palmo
de lengua fora de la boca.
Ghe manchea el fià.
-Cossa vuto? - ghe dimandea compare Bepi.
- Me mama...Me mama...la vol òio de pansa par onder la mandorla de me sorela.
Bepi scomìssia a rìder- Óio de mandorla, Nani, e cossa pì?
-La mama la vol anca...no me ricordo pì...ze un mistier longo cossì, com na punta rossa...
e el serve par far s-gionfar le fritole.
- Ah, te vui Fermento Royal?
- Sì, sì...Pròprio quel.
E i se capia davero.


NOL VIEN SU
Ciàcole 1993/2008-Jornal 'O Serafinense'.- 29/11/1996

El dotor.... el zera un brao dotor. Putèi, giovani, done e vèci i lo sercava quando malài.
Lu sempre s-guelto, anca par operassion, par pronto socorso, mèio de tuti. Quando el fea
 'na operassion de ' apendice' ( che qua ancora ghe ze quei che ghe dise penis), in sèi giorni
 el operà el zera a casa, sensa la ' penis' e pien de salute.
Ma lu no 'l gavea tanta passiensa. Quando el se stufea, spaurea a tuti co la so maniera de parlar...
ma anca, semo un pochetin giusti, ghe zera quei che i volea l' àcoa miracolosa anca par diventar
 pì giovani.E sto dotor nol ghin piasea a chi che impienia le bale.
Zera de romai pì de un mese che Nani el ghe ndea drio par domandarghe remèdi miracolosi e lu
lo medicava, sol che sto Nani ritornea trè giorni dopo parché el remédio no gavea fato efeto.
Un giorno, riva Nani come ' na spiàtola racolona che stufea anca i santi. El dotor ga pensá un
pochetin e dopo el ga dito:
-Varda, Nani. Ciapa su un spago e lìghelo tel osel. Dopo tira el spago verso le culate e su par
el filon de la schena fin rivar tel col. Portelo fin in boca e tegni coi denti. Dopo sbàssete zo come
chi va sentarse e, dopo levate su. Ti te devi far questo par venti volte. Furse el vien su.
- E se nol vien mia, dotor?
- Bem, se nol vien mia su, sbàssete nantra volta e già che te si te la posission giusta,
càgheghe dosso!