EL MECANICO
Ano 2002- Jornal O Serafinense- Ciàcole

Un farmacista el vol ndar in férie ma no ze bon catar un dotor che  reste tel so posto. Lora el ciama un mecanico amigo so amigo.
-Ma—el ghe dise- no so gnente...
-No sta aver paura. Se un dise che ga  mal de schena ti dághe na aspirina. Se un ga mal de testa, ti daghe na aspirina. Se un ga mal de pansa, ti daghe na aspirina. Te vedaré che tuto andrá benon.
Lora el mecanico, el giorno dopo, el se mete al laoro de farmacista.
Vien un veceto:
-Dotor, go un mal teribile ai reni.
-Gnente paura, nono. Beve na aspirina che passa via.
-Dotor, ghe dise un altro- mi go mal de testa.
-Galo magnà massa?
-No, ze stà na scarpada de me dona.
-Gnente paura, amigo. Eco  10 aspirine.
E va cossita par tuto el giorno.
E vien vanti un giovanoto.
-Dotor, mi go un problema.
-Vanti.
-Me son pena sposá. La prima volta go fato 3,  la seconda note 4, la tersa note 5...
-Ostrega...ma te sí un fenomeno.
-No. Speta dotor. La quarta note 8...la quinta note ZERO...Zero zero via zero. Seca, completa seca, imobilitá total.
Intervien el mecanico:
-senti, caro. Dal punto de vista medico no so proprio dar spiegassion. Ma dal ponto de vista mecanico, posso afermar sicuro che te ghé gripá le bale.

 In Ristorante
Ano 2002- Jornal O Serafinense- Ciàcole

Un distinto signor el ze entrà in un ristorante e el ga domandà del brodo. Riva el cameriere vecioto  e el signor se da del conto che el ga el deo police rento al brodo. L’ ordina dopo, un toco de vitelo e se nicorse ancora che el cameriere el mete el deo rento. El fa par protestar ma par no aver rogne, el tase. Ordina lora dele fragole ala pana(morango c/nata) e lora el signor se nicorse che el cameriere sta volta ga el deo fora. Alora, el signor pì bon de taser el dise:- se pol saver parché el mete el deo rento a la minestra e al sugo e no nele fragole gelà?
Risponde el cameriere:- parché go na forma artrítica e el dotor me ga ordina bagni caldi.
Lora el singor inrabià el se taca a urlar:- sto male
deto deo che el se lo meta nal dadrìo.
E el cameriere- Lo fao tute le ore, ma in cusina, signor. Davanti a tuti saria strano.

I TRÈ CASTIGHI CINESI
Ano 2002- Jornal O Serafinense- Ciàcole

Un giovane riva a un hotel e domanda al paron se el ga na camera par passar la note. El paron, un vècio cinese de 120 ani, pena rivà de Pechino, ghe risponde che el gà una sol, nel terso piano, però che sta camera la ze rente a quela de so fiola, e el ghe dise che el pol dopararlo, ma el ghe dise:
-Se sucede qualcosa a fiola de cines, cines dalà tlè castighi in stlanielo.
El giovane dise che no sucederà niente, che el pol restar tranquilo e dise che aceta sta camera de dormir. Nel ora de la sena, vien zo par la scala na giovane cinesa de disdoto ani, bela, ma bela e bela. E intanto i senava la tosa no ghe tira via i òci del giovane e questo a pensarghe ne le parole del so pare cinese.
E bem, vien la note e sto giovane no ze sta bon de mantegnerse e va a la camera de la fiola de cinese, e resta là fin fin che ze scuro. Quando spunta el sol el ritorna a so camera e dorme. Pì o meno lì par le oto de matina el se sveglia con un sasso grandissimo su el so corpo, con ‘na carta con ste parole scrite:
-Plimo castigo de cines.Pedla in sima do colpo.
El giovane pensa che questo saria el peso che podea suceder, e che dopo questo gnente de peso podea suceder. Lora el ciapa el sasson e va butarlo fora par la finestra. Nel momento che lo buta fora par la finestra, el vede un’ altra cartolina su la finestra che dise:
-Secondo castigo cines. Pedla legata ala pala dlita.
Mama mia, el diventa mato, cosa far? La corda zera quase a la fin, e lu nol pensa due volte. Se buta anca lu zo par la finestra. Mèio aver i ossi roti che restar senza na pala. Però, ndando zo, zo, zo....quando riva nel secondo piano e varda un grando painelo dove ze scrito:
-Telso castigo cines. Pala sanca legata al pìe del leto.