GAUDÊNCIO, el gal gaucho..

  Un agricoltor, stanco de perder soldi e pì soldi  ga deciso de 'ndar tor un bravissimo gal reprodutor, un de quei che fosse bon de darghe conto a le necessità del ponaro e de le 180 galine che de romai le vivea nel ozio, nel dolce far gnente, da mesi sensa un ovo....zero de zero.
De romai cativo con la mancanza de produtività del ponaro, l' agricultor el va fin la cità, va rento a la Coperlate(grazie del comercial), e ghe dise al vendedor:
-Bon giorno. Son qua parché go bisogno de un gal che sia bravo de dar conto a tute le me galine.
- Quante galine ghin' aveo?- domanda el vendedor.
- Ben, in tute go 180 galine.
El vendedor, lora, el ciapa una gabia lì al fianco, con un gal grando, pien de musculi, co la cresta in pìe, i òci azuri e un tatuagio proprio de quei, nel peto, scrito: Rolling Stones, e el ghe dise al agricultore
- Porta questo qua, se ciama Alberto, e ze vignesto de Rio de Janeiro. Questo no ve farà mia aver problemi.
L' agricultor porta via el gal, e la matina drio el mola sto gal tel ponaro.
El gal va via de corsa, ciapa la prima galina e daghene due sensa tirar, ciapa la seconda e daghene una....e quando zera par darghe la seconda, el se mola e casca zo frito.
L' agricultor de romai con le fumane varda e dise:
- Cosa me galo vendesto quel fiol de na putana?
Sto gal el ga magnà due galine e ze belche cascà zo? Molo  come na scorsa de figo pena magnà?
Sensa dubio el ciapa sto gal par 'l col e portalo ancora a quelo che lo ga vendesto a lu e  'l ghe dise cosa ze sucesso.
El vendedor domanda scusa e 'l ghe porta un' altro: Nero, cresta giala, i òci grigi e il tenis de la Nike e el ghe dise al agricultor:
- Questo qua ze Fernando, el mèio che go. Lo go comprà direto de San Paolo. Varda sol  el laoro che 'l fa dopo te me conti.
L' agricultor torna a casa, e giorno drio, tuto ancora. Mola el gal nel ponaro.
El gal el và che 'l brusa. Parea mato.
La prima galina in pìe, la seconda  normale, la tersa el fa un 69, e quando el ze la che scomissia la quarta el casca morto in meso al ponaro.
L' agricultor morto de la rabia volea copar el vendedor. El ciapa el gal par na gamba e lo porta in cità, e ghe lo buta su la scrivania del vendedor.
-Tó, fiol de un can. Ze el secondo gal che te me vendi e che no val gnente. Zero de zero. Ze mèio che te me porti un gal vero o meto fogo in to negozio. Bruto can...portame un gal vero.
Sensa aver cosa far,  el vendedor el ciapa l' ultimo gal che 'l ga e ghe lo da al agricultor che lo varda con i òci spalancài: questo gal de merda? Pelà, sensa cresta. sensa gnanca na pena, coi oci fondi, gobo, col tenis Bamba e la camisa azura ciareta del Grêmio scrito: ' Bevo chimarrão? E ti con questo?'....
El vendedor spiega che el ga ancora sol quel. Che se ciama Gaudêncio e che ze vignesto al so comercio par ingano, che zera del Rio Grande del Sul, vignesto in una barca mesa clandestina...Ma cosa costa proar?
Ben, l' agricultor sensa gente da far, anca se el zera de romai con le fumane che ghe vignea fora pai òci, ciapa el gal...-Dio bel, cosa fao con sto gal? El ze morto prima scomissiar....
Riva a casa, e sensa nessuna speransa, mola el gal tel ponaro.
 
Ciò....el gal se cava so la camisa del Grêmio, e va drito magnando le galine , tute le 180, in un sol colpo. El se ferma, respira lungo e va via ancora de corsa e magna ancora tute le 180 galine. Respira lungo ancora e ciapa el can quando l' agricultor lo ciapa ipar 'l col. El ghe mola due scufiòti e lo mete in gabia
- Dial bèstia, che fenomeno sto gal. El pensa.
Nel ponaro le galine tute mate con sto Gaudêncio
-Gaudencio questo
-Gaudêncio quest' altro
- con mi el ga fato questo
-e con ti cosa galo fato?
Tute mate. Tute che le volea ' ndar de star a Porto Alegre.
Nel giorno drio l ' agricultor mola ancora sto gal che el salta via  e el dassa sol la polvera nel ponaro, in due giri che 'l ga fato in tuti i busi che 'l cata par strada. Via e via el magna el can, el porco, due vache...L' agricultor ghe corre drio lo ciapa par l' col, ghe da due o trè sgorloni e lo buta in gabia.
-Bruto lasaron! Cosa pensito far?
Nel giorno drio quando el va tor el gal el cata la gabia rota.
-Gaudêncio ze scampà.
Va via e corri....el cata tute le galine col cul in sù che fumea la sigarete, un porco col cul in sù ciapando un po de sol, due vache butae in terra che le parlea de Gaudêncio, el can col cul in ruine.
El pensa: Madona, el va magnar  le bestie del vicino....El me copa.
Lora el ciapa el caval e va in cerca de sto gal. Sensa saver dove ndar el varda i segni dassai par Gaudêncio:
- le cavre che le suspira, el multon che se passea la crema, la tartaruga senza la scorsa, el toro che proea le lingerie, trè capivare che caminea sote, un caval sentà tel ghiacio, un bambi che se fea de le medicine per le emorroide...Fin che la via poco lontan el vede Gaudêncio cascà zo par terra.
Mama mia, che cosa....Tudo stirà par terra, i corbi che i volea zo basso belche pronti par magnar sto poro gal.
Quando l' agricultor el vede  sti corbi che volea in circoli, el grida:
-NOOOOOOO....Gaudêncio ze morto....I ga copà el me gal....Prima volta che cato un gal brao.....No.....No....Nooooooooo..........
E in meso a quel pianto , Gaudêncio el verde un òcio, discretamente, varda l' agricultor, ghe mostra i corbi , ghe struca i òci e el dise:
-Scchhhhhhhhhh!!!!
-Ma sta zito, tchê!!! I ze quasi qua zo.....