11.jpg12.jpg13.jpg14.jpg15.jpg16.jpg17.jpg18.jpg19.jpg20.jpg21.jpg22.jpg23.jpg24.jpg25.jpg26.jpg

Talian

MALATÌA

No sta dirme
che go la malatia del pensier
parché drio man che scolto
me vardo intorno,
  serco
e vedo che tute le cose
de a sti ani che i va via
ghe manca un sol.
E sento rento el cuor,
un spìssigon
un fredo de dubia
come 'na brina tel sogno
che no se scalda
gnanca se boie el cuor.
Bisognaria sentir dir
'na bona parola
ma la colpa de tuto
la ze mia.
Mia
parché go bio un dolor
fato de fér e fogo
che quasi el me scavessa
e sto dolor
el me ga fato diventar vècia,
co sti pensier
pieni de gropi
quando tuto podea èsser
novo e eterno.
Tuto lontan,
e dedrìo, el ciel.
Me par che ze drio finir la strada
e go bisogno de contarghe
a qualchedun
dei òci
che i me ze cascà
rento l' ànima,
de quando la vita
se gà fato dolor
e sto mal el se gà tacá rento
e sgorlando rento
e me gà ,da lì avanti,
comandà.
Anca in fondo
ghe ze sempre i soramaneghi che comanda
e se ti no te me credi
vardame bem., anca de roverso.
La me vita, tuta,
fata de tòchi,
comandài sempre,
giornada dopo giornada,
dal maestro amor.
Feme ciaro...
Vara ti
se no go mia
la malatia del pensier.

Par nessun

No me gò negà
parché no 'l zera mia un fiatin
de qual àcoa che sgossa
nel tempo de ingani.
Ghe zera un mar
e son 'ndà incontro
co tute le forme de pensier,
co la voia de saver
el tanto che zera lontan
sto mar
del me ciel.
E me go butà rento sta àcoa
e la go navigà]co tute le identità
che go podesto catar rento me cuor.
Me son messa in píe
su le isole
intanto l sirena
che me abita
la cantea so canti
e la disea su le so prèdiche
e la parlea cose
che gnanca mi
son stata bona capir.
E sta sirena la ga vardà intorno
fin che 'l silensio
la gà fato tàser.
E son qua,
mi,mi sola,
vissin a la rocia
de un cuor sensa casa.
No par mi,
no par ti,
gnanca par nessun
el peso de la me ombra
la me farà negarme.

 
Copyright © 2009 Solange Maria Soccol. Todos os direitos reservados.
Proibido copiar ou reproduzir este material sem autorização.
Criação: Uniserra.Com