11.jpg12.jpg13.jpg14.jpg15.jpg16.jpg17.jpg18.jpg19.jpg20.jpg21.jpg22.jpg23.jpg24.jpg25.jpg26.jpg

Talian

LUIGI, ME  PUPÀ

Cossita i ze passà i to ani
e penso che semo tuti de acordo
che brusa, par Dio, come brusa
quela fadiga maledeta
che te gà fato  aver un dopio peto:
un, par tirarla avanti
come par dir a tuti noantri
che le cose le zera come prima,
e l' altro, par volerghe bem al mondo
anca se 'l to dolor
el zera tacà ai òssi
come un cativo tempo setembrino.
Mi so come te zeri rento,
che te pararìa de veder
e portar  el to corpo e la to ànima
al tempo de le staion profumate,
de darghe  la man ai campi
parché le giornade
le tacasse a slongarse.
Te volei verder i òci
e veder la vindima
e i vigneto dadrìo al campo,
i tosatèi a impienir seste
de graspi de ua.
El formento gialo,
destacar del miglio  la panòcia
e i to fradeleti a riderte drio
parché te zeri ti
che te ghin fea el moto de lori
quando i zera in te la stala,
tel campo, te la natura.
E ça to malatia
la me zera dissonante
de la to magia
del to cuor...
parché, Gigio,
el to cuor el me zera dosso
come un esempio de virtù
creando un riso rento
come 'na musica che la inondea departuto.
Ancoi, longo la strada,
vardo el fil de fer
che va lontan te la tera dei òmini,
sarando tuto
come un paradiso benedeto de co l' aria incantata
e penso che ti te si quarta-feiraimerso te la natura
me strucando l' òcio
come sempre te lo fasevi.
E ciapo el fassoleto che gavea in testa
e te lo giugo par ària,
col polmon pien de verde
e te grido:
Pupà...porteme com ti
che me manca el fià!
Me manca el to afeto
e sento un strucon maledeto rento
parché de romai
son diventata massa granda,
massa ani...
E i me òci che i no te vede pì
se impienisse de làcrime.

 
Copyright © 2009 Solange Maria Soccol. Todos os direitos reservados.
Proibido copiar ou reproduzir este material sem autorização.
Criação: Uniserra.Com