La Pastorela
Data-1994/1996 para Jornal ‘O Serafinense’- Ciàcole
Diversos
Localidades: Serafina Corrêa, Silva Jardim, Nova Bassano, Guaporé, Montauri, Nova Araçá, São Domingos do Sul, Casca, Evangelista, Vila Maria, Marau, São Valentin, Santa Bárbara-RS

Semo pastori e pastorele e adoremo el Redentor
Che vien zo de lê stele come nostro Salvator.
El ze nato a Belém ne la stala  de splendor
I Ré Maghi porta geme, oro, insenso e mira ancor.
Cosa zelo sta caravana che vien vanti de galopo?
San Giusepe ciapa el s-ciopo e ghe dise:
-chi vien la?
-Niente, niente, resta quieto, semo i Rè Maghi
che noantri semo vèci e semo sagi
e adoremo el Redentor.

La Ciara Stela
Data-1994/1996 para Jornal ‘O Serafinense’- Ciàcole
Diversos
Localidades: Serafina Corrêa, Silva Jardim, Nova Bassano, Guaporé, Montauri, Nova Araçá, São Domingos do Sul, Casca, Evangelista, Vila Maria, Marau, São Valentin, Santa Bárbara-RS

Semo qua co la gran Stela par adorar Maria e Gesù,
Semo qua co la novela che zé nato el Re Del Ciel.
Nose e nosele no più volemo parchè gavemo i denti ciari
Volemo carne da becari o salami ben insacà.
O sinò luganeghete o sinò quel che volì
O panseta o bressole qualche cosa portè qua.
Se per caso no ghè gnente deme pure na palanca
Co la drita o co la sanca, con la man, portela qua.
E noantri cari paroni, ringrassiamo tanto
De la grassia e del fagoto
E se min  desse nantro goto
Semo belche incontentà.

Orassion
Rissieri Nardi- São Domingos do Sul- RS

Nostro Signor no vol dota, vol la me anima devota
Cari sti pedini che va su par sti scalini
La mama li ga fati e papà li ga  creati
Par ndar in te la ceseta tor la acoa benedeta
Par lavar la man e el viso, par ndar in paradiso.

PREGHIERA PRIMA NDAR DORMIR
Nono Ernesto Castellani- Sao Domingos do Sul- RS
Ano 1998- ( se rivo a otobre, fao 89 ani....)

Vago in leto e non so de levar
Tre grazie a dio vui domandar
La confission, la comunion e l’oio santo.
Spirito Santo, Amen.
Signore, cureme e feme boni cristiani,
obidienti devoti e adorati de Dio
se Dio benedeto ghe piase.