Preghiera De La Matina
1994-Anita Paloski-Serafina Corrêa- RS

Me also del leto
Col me angelo perfeto,
col me angelo de Dio,
che ze el custode mio,
con la so pietà suprema
sempre pì el me governa,
fragile creatura,
me racomando a Vu
e a la vostra cura  benedeta.  
Crose santa, crose degna
che me varda e che me segna,
davanti mi, dedrio de mi
el Signor e la Madona
che me assiste in questo dì
come ze stà  in questa note.
Amem.

Preghier
1994-Anita Paloski-Serafina Corrêa- RS

Ama Dio e non falir
Far el  ben e lassar dir
Lassar dir a chi vol
ama Dio de bon cuor
de bon cuor e  de bona ose
ama Dio e la so crose
la so crose  e la so corona
ama Dio e la madona
la Madona ze su nel ciel
ama Dio e San Michel
San Michel e tuti Santi
ama Dio e  tuti quanti...

Preghiera
1994-Anita Paloski-Serafina Corrêa- RS

In leto me vado, de levarme no so,
ma ‘na  grassia a Dio vui domandar:
confession, comunion ,òio santo
e racomandarme al Spirito Santo.
Me segno su ‘l viso
con le ciave del paradiso,
me segno su ‘ l naso
co le ciave de San Tomaso,
me segno su la boca
che ‘l demonio no me toca,
me segno su ‘l corpo
che ‘l demonio no me dasse morto.Amen.

Preghiere de un embriagà a Baco
Data: Giugno 1996
Serafina Corrêa- RS
Diversos

Baco nostro, che te vivi in caneva
vegna sempre ricordà el to nome
basta che ‘l sia genuin
tanto quel bianco come quel nero.
Dàme anca ancoi la bala cotidiana
impienisseme el me  goto
come quei dei me amissi..
No fa meter àcoa sul vin
no metarme su le condission de laorar
ma càveme la sé
anca quando che son pien.
Fàme rivar in ostaria
ze questo me desiderio
e così sia.

Prima ‘ndar dormir
Data-1994/1996 para Jornal ‘O Serafinense’- Ciàcole
Diversos
Localidades: Serafina Corrêa, Silva Jardim, Nova Bassano, Guaporé, Montauri, Nova Araçá, São Domingos do Sul, Casca, Evangelista, Vila Maria, Marau, São Valentin, Santa Bárbara-RS

Vago in leto col me angelo perfeto
Col angelo de Dio, con San Bartolomeo,
col angelo de amore, con Nostro Signore,
col  angelo bianco, con lo Spirito Santo.
Vago in leto ma non so de levare
E trè grassie Signor ve vui domandar:
confession, comunio, e òio santo.
Me racomando a Vu, Spirito Santo.
Santo Mateo Spirito Meo.
Croce Benedeta, Santa Maria stesa,
anima terrena, Maria Madalena
che piangeva su la pena, che piangeva sul dolor
che ga patio Nostro Signor, che ga patio flagelato
con trè ciodi inciodato.
Chi la sa e la dira i l paradiso ghe andarà.
Chi la sa e no dirà, al inferno ‘l ghe andarà.

El Pianto de La Madona
Data-1994/1996 para Jornal ‘O Serafinense’- Ciàcole
Diversos
Localidades: Serafina Corrêa, Silva Jardim, Nova Bassano, Guaporé, Montauri, Nova Araçá, São Domingos do Sul, Casca, Evangelista, Vila Maria, Marau, São Valentin, Santa Bárbara-RS

Sta matina zé el zoba santo
Chi va par ‘na strada, chi par um ‘ altra.
La Madona  spassegiava la so camereta
E quando ze stà  a mesa scala la ga trovà San Giovani Batista,
-‘ Ndove ‘ndeo Madre Maria?
- Vao in cerca del mio caro figliolo, che da trè dì no lo  vedo e no lo trovo.
- Mi sì che lo go ben visto in quela camera là che i lo bateva.
Co la Madona ga sentio cossi ze  cascà in terra morta e stramortìa.
-San Giovani, mila grassia voglio  de Vu.
- Disì, disì Madre Maria.
- Che ‘ndè in cerca de  le me sete sorele, che se metesse in punto de l’anima mia.
- Cosa voleo da mi, sorela Maria?
- Che ‘ndè in cerca de mio caro figliolo, o morto  o vivo, ne le me brassia lo voglio. Se sarà morto lo sepeliremo, se sarà vivo via lo menaremo.
La Madona se fa devanti de la croce ciamando el so caro figliolo con alta voce:
-    Oh figlio mio, rispondeme un poco. Per nove mesi te go portà nel corpo, con questo  late te go ben alatato, e con queste  brassia te go ben abrassiato.
-    Oh Mama mia, no sta dubitar che sti cani de giudei ti  fassa qualche male. Oh Mama Mia, aposta che non voria ‘ndar a cà, me daressi un pochetin da bever?
-    Oh  figliolo mio, se da tanti ani de questi posto son stà lontana e no so donde ghe sia fiume o fontana. Se el vostro capo de avesse de sbassar, la late in boca ve voria dar.